Eg var så heldig å få vere med Margrethe og Håvard på deira store dag. For eit drøymebryllaup! Sol dagen lang, vakre omgjevnader, fantastisk stemning og eit nydeleg par. Vielsen fann stad på eit svaberg på Haugland i Fjaler. Vidare fylgde båttur på Flekkefjorden og Dalsfjorden med bruda sin far som kaptein på si sjarmerande vesle skøyte, Ternen. Middagen og festen var på Jakob Sande-tunet og i løa på Klokkargarden i Dale i Sunnfjord. Å velje kun 20 bilete frå denne dagen og kvelden var utfordrande.

Til lukke som mann og kone Margrethe og Håvard. ❤️

Eg er takknemmeleg for å få følge fine folk på sin store dag. Iris og Arild samla vener og familie til gardsfest på familiegarden Reiakvam i Naustedalen. Ei nydeleg ramme for ein fest som passa paret perfekt! Motorsport og bonderomantikk i skjønn foreining.  

Til lukke Arild og Iris!  

Janne og Andreas

Mitt kjære søskenbarn Janne og hennar Andreas gifta seg i Hestad Kapell 18. juni 2016. Festen hadde dei på nydelege Villa Åmot i Bygstad. For ein dag og for eit par!